Crebacabezas de Outono

     Déixovos unha actividade que veño de crear para este tempo, Crebacabezas con imaxes de outono, o Magosto, o Samaín, ... con posibilidade de escoller nivel de dificultade. 

     Ata 6 crebacabezas distintos e cada un ofrécenos 4 versións con 9, 14, 18 ou 28 pezas.
     Ao premermos sobre a imaxe, o xogo abre nunha xanela nova. Que o disfrutedes!!

     Tamén vos deixo unha versión máis doada para aplicar a atención á diversidade. Neste caso os mesmos crebacabezas teñen 4, 6, 8 ou 10 pezas e o modelo a seguir mantense visible por debaixo das pezas a unir. Prememos na imaxe e xogamos nunha nova xanela.

XOGO INTERACTIVO "QUIZ SAMAÍN"

Boa tarde a tod@s!!

Retomo a actividade no blogue logo do descanso do verán e logo do agobio do comezo de curso, que se xa sempre está cargado de traballo moito máis neste curso tan, tan especial que vimos de iniciar.

E entre unhas cousas e outras, xa temos o Samaín á porta, así que creei este xogo de preguntas sobre esta celebración milenaria, esta tradición que, como ben sabedes, estase recuperando na nosa terra dende hai xa anos.

Espero que pasedes un bo rato con el, servirá para que coñezades canto sabedes sobre o Samaín e axudaravos a abrir a porta que conecta co mundo dos espíritos, pero tede moito ollo!! Hai espíritos bos, pero tamén malos...

Premede sobre a imaxe da pantalla de inicio do xogo e abrirase nunha nova xanela para xogar.

E para ambientarvos máis e mellor, activade o son!!

Saudiños e saudiña.

CONTOS CONTADOS

Ola a tod@s!!

Sempre é un gustazo ler e son moitas, e todas boas, as cousas que nos aporta: melloramos a nosa expresión, enriquecemos o noso vocabulario, aprendemos ortografía casi sen querer, e..., por suposto, podemos vivir un montón de aventuras.

Igualmente é moi importante ademais de gratificante ler en familia, especialmente cos máis pequerrechos da casa que aínda non aprenderon a ler, estimularemos o seu desenvolvemento persoal e intelectual e crearemos neles a semente da afición pola lectura.

A editorial Kalandraka, editora de libros infantís e xuvenís, ofrece os seus contos "contados", xa que ten creado unha web na que, cada día, teredes un título distinto contado por alguén.

Hoxe toca, "Se che pica un mosquito".

Premede na imaxe.... e a coñecer un montón de historias!!

Saudiños e saudiña.

Máis actividades para "Les animaux"

Boa tarde,
Mentres algúns contan as horas que faltan para pasar á fase 1, déixovos máis actividades para complementar ao xogo "Les Animaux".
Estes son 5 xogos para traballar o mesmo vocabulario en francés.
Premedes na imaxe e xogaredes noutra nova xanela.
Que o disfrutedes!!